Prins Dirk I en Dansmarietje Natasja

Dirk Geurts is op vrijdag 14 januari 2011 uitgekomen als Prins Dirk I van de Arcense Keieschiéters. Hij werd tijdens de vastelaovend bijgestaan door dansmarietje Natasja Pisarowitz.

 


Proklamasie Prins Dirk I

Weej, Prins Dirk d'n Örste,

- Beej de grasie vân de Raod vân Ellef
- Prins vân Ârce, zônder Lômm en Vélde,
- Groëtvors in de Orde vân d'n Ârcese Kei
- Kommandeur in de Orde vân d'n Hoephap,
- Beschaeremhiër vân 't zwake geslach vân Aan de Poel.
- Ridder in de Orde vân de Maasstraot,
- Goeverneur in 't neerlegge vân d'n taegestander dae ovver de middellien kump.
- Zoën vân Bèr oet 't land vân de Wuilus en Mini vân de Plaggehouwers oét Grubbevórs

Alzoë weej in ovverwaeging genaome hebbende, dât 't dinstig is um verordeninge te treffe in 't belang vân ôs ônderdane, gelet ôp 't bepaolde in artikel ellef vân 't vastenaovesriggelemént, verordene weej en doon te wiëte,

Ten örste:
dât de Maastraot sinds ellef jaor wer unne Prins haet en dus wer "Prinsenhoofdstraot" genumd meug waere.

Ten twedde:
dât 't örs nów al zoëvöl púnte haet dât d'r rônd de vastenaovestiéd wâl wât púnte gemôrs meuge waere.

Ten derde:
de oprichting vân stichting "verenigingsleven Arcen" is ’n gôje zaak. Wer 'n veurbeeld vân dât weej heej in Ârce same alles kunne !!

Ten verde:
dât 't jeugdbestuur vân DEV 't nów effe zonder mich môt doon, mâr dât ik nao Aswoensdig ôk daor wer mien baeste stiëntje ân zal beejdrage.

Ten viefde:
dât ôk Jocus Venlo nâg môt wenne ân Ârce binne de geminte Venlo, bliek wâl oët de pooster vör d'n Ôpstaeker. 't vollegend jaor zal dao naeve "Te Kaup" toch ok ech "Te Koëp" ôp môtte staon.

Ten zesde:
dât ik mien hoés ân 't verbouwe bin en dât ik langs dizze wâeg de Raod vân Ellef vân hârte oétnuuëdig um mich te kômme haelepe.

Ten zivvende:
dat ik d'r persoënlik vör zal zörrige dât ôp mien waerik beej Sulzer in Lomm de ni-je Keieschiétersvlaag hoëg in d'n top kump te hange.

Ten achtste:
dât Vastenaovend dit jaor pas in Mârt plâtsvind. Zulle we nao allen oozel áfgeloëpe jaore nów wer us boéte karneval kunne viére ???

Ten niggende:
't Keuninginnedaag ivvenemént waor 'n geslaagd inisiatief, mâr unnen halleve marathon môtte loëpe um un plasje te plege, is toch wât ôvverdreve.

Ten tiende:
dât mien vrindeclub "Bout maf" dizze karneval ok eure naam meug waormake en gáns "Bout Maf" meug waere.

Ten ellefde:
dât ik oow allemaol, ok names mien dansmarietje Natasja, oétnuuëdig um d'r mit ôs same unnen ônvergaetelikke, te gekke karneval 2011 vân te make.

Aldus gegaeve te Ârce, Vastenaovend 2011,

Prins Dirk d'n Örste.

 

Hoed van 't Hof
Goossens Career & Counceling - Arcen

Òntworpe & Aangedreeve door Web-id
Copyright © 2018 De Keieschiéters Ârce
Vragen of opmerkingen over de inhoud kunt u sturen naar webmaster@keieschieters.nl