Steun d’n Ârcese Vastenaovend

Ellik jaor kômme leeje vân ôs vereniging deur ân deur vör ôs donateursaksie. Âs donateur schinks diech ’n vreejwillige beejdrage ân ôs vereniging waormei dâs-se geliek de vereniging finansjeel ôndersteund. Mit dees finansjele ôndersteuning is ’t vör de vereniging meugelik um diverze karnevalsivveneménte vör jônk en áld te organizere, zoë-âs zittingsaovende, ôptochte , enz. Ellike beejdrag, groët of klein, wört ôp pries gesteld.

Beej dizze rôndgang ovverhandige we hiël gröts ôzze gáns gratieze karnevalskránt en raampooster mit ôs hoëghede vân ’t ni-je seizoen.

Steun d’n Ârcese Vastenaovend, steun Karnevalsvereniging "de Keieschiéters" Ârce.