Kiene | Karnevalsvereniging "De Keieschiéters" Ârce
Placeholder for Logo iconLogo icon
Placeholder for LogoLogo

Kiene

Placeholder for KieneKiene

18 december 2021

20:00

MFA de Schans

Jonk en Ald

Kôm kiene!!!

Kôm zaoterdig 18-12-2021 kiene beej Karnevalsvereniging de Keieschiéters Ârce !!

Weej starte um 20:00 oor mit de örste rônde.

Doe köps beej aanvang of in de pauzes iën of miër kaarte, die-se de gánsen aovend keus gebroeke. D'r zien dizzen aovend 6 dubbele rôndes.

Iëne rônde bestiët oét 1 rijke vól, 2 rijkes vól, en ’n volle kaart, waorbeej de priéze ôploëpe.

Mei kunne de rôndes áfwiéke en kump d'r b.v. unne superrônde, unne kulinaere- of unne knalrônde tusse. Âs knallenden áfsloéter speule we de hoofrônde; dân speule we geliek vör ’n volle kaart.

Dit jaor mit âs hoofpriés unne TV en nag völ ándere moeëje priéze, mei meugelik gemâk door ôs lokale ôndernemers en ándere gulle gaevers.

Placeholder for RR

Kemissie Kien

Bram Reutelingsperger (Veurzitter)
Leida Reijmer - Geelen
René Gooren
Carla Bronkhorst
Steffie Raijer - Reivers
Thijs Reutelingsperger
  • Placeholder for DSC02951 1DSC02951 1
  • Placeholder for DSC02952 1 1DSC02952 1 1

Historie

Al miër dân 40 jaor organizeert Karnevalsvereniging "de Keieschiéters" rônd kersmis de kienaovend waarbeej leuke priéze zien te winne. In ’t verleeje waor dit áltiéd ôp twedde kersdaag, mâr de letste jaore zien we oétgeweke naor de zaoterdig vör Kersmis.

We zien begoos beej de Chinees ôppe Koestraot, vân daor oét naor Alt Arce, waor we vânwaege ’t hoëgwater in 1993 iëne kiër oét mooste wieke naor Hotel de Oude Hoeve.

Nao Alt Arce naor de Klostarhoaf en sinds 2017 is ’t kiene in ’t MFA.

Waoren ’t in de beginjaore vörál de seniore die de aoverhand hâje (sommige zellefs mit ’t Mariabeeld ôp taffel en ’n kertske), zien ’t nów vörál de groepe jôngere en gánse gezinne die ziech dizzen aovend neet nevve de neus laote gaon.

De priéze die te winne zien waere vörál door lokale ôndernemers gesponsord. Zônder dees sponsore is ’t bijna ônmeugelik um dizze gezelligen aovend te organizere.