Kiene | Karnevalsvereniging "De Keieschiéters" Ârce
Placeholder for Logo iconLogo icon
Placeholder for LogoLogo

Kiene

Placeholder for KieneKiene

23 april 2022

19:30

MFA de Schans

Jonk en Ald

Baeter laat dân noeëjt:

Weej gaon wer Kiene!

Nao twieë jaor corona, waorin we bijna niks meugde, organizeert Karnevalsvereniging de Keieschiéters nów wer eure tradisionele kienaovend en wâl ôp zaoterdig 23 apríl.

Vânáf 19.00 oor is de zaal vân MFA “de Schans” aope en kunt ge d'r us good vör gaon zitte, want um 19.30 oor beginne we mit Kiene.

In ellike rônde zien d'r allerlei prachtige priéze te winne. Mit âs hoofdpriés: unne steelstofzuuger vân Bosch, beschikbaar gesteld door Electroworld Cup Arcen en âs klapper d'n ekstra hoofdpriés: unnen 50 inch Smart Led Tillevisie vân Philips geschônke door Carl van Hoek en Electroworld Cup Arcen.

Wât kaoste oow de kienkaarte?

Rônde 1 tot en met 3:

€ 12,50 vör ’n triokaart en € 5,- vör ’n ínkele kaart.

Rônde 4 en 5:

€ 9,- vör ’n triokaart en € 4,- vör ’n ínkele kaart.

De superrônde en d’n hoofdpriés:

€ 6,- vör ’n triokaart en € 3,- vör ’n ínkele kaart.

Weej haope oow allemaol ôp zaoterdig 23 april te meuge begroete en winse oow unne fijne kienaovend mit völ priéze en völ plezeer.

Placeholder for RR

Kemissie Kien

Bram Reutelingsperger (Veurzitter)
Leida Reijmer - Geelen
René Gooren
Carla Bronkhorst
Steffie Raijer - Reivers
Thijs Reutelingsperger
  • Placeholder for DSC02951 1DSC02951 1
  • Placeholder for DSC02952 1 1DSC02952 1 1

Historie

Al miër dân 40 jaor organizeert Karnevalsvereniging "de Keieschiéters" rônd kersmis de kienaovend waarbeej leuke priéze zien te winne. In ’t verleeje waor dit áltiéd ôp twedde kersdaag, mâr de letste jaore zien we oétgeweke naor de zaoterdig vör Kersmis.

We zien begoos beej de Chinees ôppe Koestraot, vân daor oét naor Alt Arce, waor we vânwaege ’t hoëgwater in 1993 iëne kiër oét mooste wieke naor Hotel de Oude Hoeve.

Nao Alt Arce naor de Klostarhoaf en sinds 2017 is ’t kiene in ’t MFA.

Waoren ’t in de beginjaore vörál de seniore die de aoverhand hâje (sommige zellefs mit ’t Mariabeeld ôp taffel en ’n kertske), zien ’t nów vörál de groepe jôngere en gánse gezinne die ziech dizzen aovend neet nevve de neus laote gaon.

De priéze die te winne zien waere vörál door lokale ôndernemers gesponsord. Zônder dees sponsore is ’t bijna ônmeugelik um dizze gezelligen aovend te organizere.