Tocht door ’t daörep mit de Hoëghede

Dit jaor kunne weej genne ôptoch organizere mâr wât weej wâl kunne daon is d'r vör zörrige dât ut viéftal mit de Raod vân Ellef en de Prínsegarde toch unne ónvergaetelike vastenaovend meug belaeve.

Daorum roope weej iéderiën ôp um gezamelik de Príns en ut Dánsmarietje thoés áf te hale veuráfgaond ân de resepsie.

Mit iéderiën daen mei wil doon verzamele weej ôs um 13.00 oor beej de speultuin ôp de Gerstkamp. Vân daoroét gaon weej in unne stoet naor ut kleine Dánsmarietje Ieke op 't Wijdveldt, waor we Ieke mit de Prínsegarde zulle ôphale.

Vân daoroét gaon weej via de Witveldwaeg, Boorewaeg, Kruuswaeg naor Príns Miel d'n twedde waor haen mit zien adjudánte Levi en Tim, sirremoniemeister Sem en raod vân ellef zulle ânsloéte.

Via de Kruuswaeg, Boorewaeg, Kaerikstraot, Wal, Lingsforterwaeg eindige weej ôp de parkeerplâts beej ut MFA.

Weej haope dât we mit allemán de hoëghede toch un ónvergaetelik moment kunne gaeve in de stoet of naeve de kánt.