Corona statement

Baeste karnevalsvierders,

Nao ’n bewaoge jaor hebbe we beslaote alle aktiviteite vör ’t seizoen 2021-2022 wer ôp te pakke en te organizere zoë-âs geej dât vân ôs gewend ziet. Heerbeej dene we wâl raekening te hálde mit de ôp dât momént geldende maatregele vân ’t RIVM, de veiligheidsregio Limburg Noord en de Geminte Venlo.

Weej zien ok genoëdzaakt de toekômsige ivveneménte zoë-âs beej de Ouverture, de 3G regel (Getest, Gevaccineerd, Genezen) toe te passe. Weej haope mit oow meiwaeriking en ôndersteuning dât dit gen belemmering hoef te zien um d'r wer 'n ech gezellig en knallend karnevalsfieës vân te make, vör jônk en áld, zoë-âs we dât mit z’n alle gewend zien.

Beej ellike publikasie vân de aktiviteite zal waere vermeld wellike regels d'r presies vân toepassing zien en woej d’n toegang ôp dât momént geregeld zal waere.

Vör vraoge en/of ônduudelikhede kunt ge via email kontak ôpneme mit Lars van Oostrum ônder emailadres: corona@keieschieters.nl Laote we same vastenaovend 2021-2022 tot ’n groët suksés make!

Ârce Alaaf!

Karnevalsvereniging "de Keieschiéters"

Bestuur