2de zitting

Zang, dáns en sketsjes vân Ârcese artieste

Jaorliks organizere we 2 zittingsaovende in ’t MFA. Ôp allebei de aovende waere de bezeukers getrakteerd ôp o.a. zang, dáns en sketsjes vân Ârcese artieste. Ôs Hofkapel zörrigt vör extra muzikale note en de groëte en kleine Prínsegardes sjoowe eur dánse.

Artieste die al jaorelang meidoon en ni-j talent wissele mekaar áf ôp ’t podium.

Ekts vör jônk en áld. Vânáf 16 jaor bees-se welkôm um te kômme kiéke.

Ôp vriejdigaovend is de slot-ekt ’t oétrope vân de groëte Príns. Mit allemán zinge: “En neemus wet waen Príns zal zien” en “Weej ropen ‘m oét”, waornao de Príns oét de kei springt um same mit zien Dansmarietje mit Karneval veurôp te gaon. Aansloétend kân gezellig naogeprot waere in de fwajee, waorbeej DJ PeterTheelen zal zörrige vör ’n gezellige karnevalssfeer.

Iederién is vân hârte welkôm um mei te lache, te sjoenkele en te zinge.

De kaartverkoëp is hállef december. Informasie volligt via Maasdorpen en dees websait.

Wees-se âs artiest meidoon, dân keus-se ôs mailen zitting@keieschieters.nl.

Ok vör informasie keus-se ôs altied mailen.