Kiénderzitting

Unne middig lang traeje jônge artieste ôp mit ’n dénske of unnen ekt.

De Kiénderzitting is ’n jaorliks trugkômmend ivvenemént waor de Ârcese jeugd ’n veurdrach kân prissentere. Unne middig lang traeje jônge artieste ôp mit ’n dénske of unnen ekt. De kleine en groëte Prínsegardes sjoowe eur dánse. Ârcese schlagers waere gezônge, dit alles ônder begeleiding vân ôs Hofkapel.

Âs artiest wörs-se door de kleine sirremoniemeister mit de bel ’t podium ôp en áf begeleid.

Langzaamaan wört nao ’t spannend end toegewaerikt en waere de keie de bühn ôpgedrage. Waen wört d'r jeugdpríns dit jaor? En waen zien de adjudánte? Nao ’t oétrope is d'r gezellig samezien in de fwajee.

Natuurlik kums-se same mit dien vriendjes en vriendinnekes leuk verkleid naor ’t MFA. Veur in de zaal is ruumte zât waor-se rustig keus kiéke naor de zitting en tussedoor lekker keus hosse en springe. Dien elders, opa’s en oma’s zien vân hârte welkôm en meuge áchterin de zaal gaon zitte.

De entrée is gratis.

Wees-se meidoon âs arties, vraog dân dien elders te haelepe um diech aan te melde via onderstaond formulier. Insteure kân veur 19 december. Hált d'r raekening mei dât ôp donderdigmiddig vör de zitting de ginnerale rippetisie is in ’t MFA.

Vör vroage mail noar zitting@keieschieters.nl