Zôndig 13 november start vân ’t karnevalsseizoen 2022-2023.

Tiédes ôs Ouverture traeje a.o. de hoëghede vân 't vörrig karnevalsseizoen áf. Daornaeve waere ’t klein en ’t groët Dansmarietje en de ni-je jeugdsirremoniemeister bekend gemâk. Ok wört d’n Bônten Hoephap oétgereikt ân unne persoën daen ziech ôp sosjaal-maatschappelik vlak beej miërdere vereniginge of instansies verdinstelik haet gemâk vör Ârce.

Unne middig vör jônk en áld vól gezelligheid en baovenál högtepúnte mit de ônthulling vân de verschillende beneuminge.

De middig wört gezellig áfgeslaote mit muziek vân DJ Nik Ritt en ’n ôptraeje vân de Venlose dialektbend “Greun Graas”!