Aldewiéverdaag 5x11 jaor

Aan alle Aldewiéver,

Ânkômmend jaor bestiët Aldewiéverdaag 5x11 jaor.

Dit wille weej gaer same mit alle vrouwluuj oét Ârce en umstreke viére ôp zôndig 5 fibberwarie 2023.

Weej âs kemissie Aldewiéver wille d’r dân ok vör iederiën (jônk en áld) unne leuke, gezellige en spesjále daag vân make, mâr dân hebbe weej wâl oow haölep nuuëdig.

Nae, ge hôf gen hendjes oét de mouwe te staeke, dât doon weej vör oow.

D’r is mâr iën ding wât weej vân oow vraoge en dât is dât geej oow veur 19 december 2022 ânmeldt um mit dizze geweldigen daag mit te doon. De koste bedrage € 20,00 veur ’t aete, de versnaperinge vân de gánsen daag en 't entertainment.

Drinke is vör eige raekening.

Weej wille naotuurlik ni te völ priésgaeve mâr ge krieg unne gáns verzörrigden daag vân ôs aangebaoje. Geej hôf dân dus zellef gen aete mit te sjouwe in oow kallebeskes.

D’n daag start um 11 aover 11 ôp de maert beej de Keieschiéter. Nao de aöpening gaon we gezámelik naor de fiëslokasie en beginne we ’t programma mit unne brunch. In de middig volligt d’r un kei leuk programma, mit wât hepkes tussedoor. Rónd de klok vân 17:30 oor krieg-ge dân wer iets um de maag te vulle. Daornao kunne oow veut de dánsvloer ôp um alle kalorieë te verbrande.

Âs-se muuj bees meug-se naor hoés, mâr vör diegene die d’r gen genôg vân kunne kriége gaon we mit de meziek en gezelligheid door wies middernách.

Vör dit jubileum jaor hebbe we de keus gemák um d’n daag gezámelik en ôp iën lokasie te viére.

Diëlneme aan d’n Aldewiéverdaag 2023 kân dus oétsloétend door diech individueel of mit groep aan te melde.

Dus wees-se d’r beej zien meldt diech dân aan door ônderstaonde strookje, same mit ’t geld véúr 19 december in te levere beej; Petrie ôp de Hor 5 / Yvonne Dr. Thielestraot 7 /

Steffie Maasstraot 35 / Diana Ds. Kingstraot 30

Naam/namen/laeftiéd en (iën) adres:……………………………………………………………………………………

Totaal bedraag: €…………

En dân nag efkes iën ding: Zellef meigebraochte drank wört ni getolereerd!

Beej konstatering zulle weej oow naor hoés môtte steure.

Weej haope dât geej d’r net zôvöl zin in hebt âs weej en zeen oow aanmeldinge gaer verschiéne.

Kemissie Aldewiéver.