Placeholder for Logo iconLogo icon
Placeholder for LogoLogo

Je bekijkt een pagina uit een oud seizoen.
Klik hier om terug te gaan naar het huidige seizoen

Ni-js

Placeholder for Header NieuwsHeader Nieuws
Algemein

Fieësaovend 5 X 11 jaor karnevalskránt Keieschiéters Ârce

6 februari 2023

Tiédes unne fieëstelikken aovend ôp woensdig 1 fibberwarie woord ’t örste eksemplaar vân de 5 X 11 jubileum-edisie vân de keieschiéterskránt tradisiegetrouw oétgereikt ân ôs hoeëghede Príns Tom I en zien Dansmarietje Brit en natuurlik ân veurzitter Lars van Oostrum names Karnevalsvereniging "de Keieschiéters".

Dizzen aovend waore weej te gast in de “Vatekélder” vân de Hertog Jan Brouwereej en woord d'r ’n áfwisselend programma gebaoje.

Gerard van den Broek, meisterbrouwer vân Hertog Jan, deilde moeëje anekdotes ovver karneval en de brouwereej, waorbeej haen mit völ plezeer trugkeek ôp alle moeëje moménte in de völ jaore dât haen in Ârce waerikzaam is.

Daornao waor ’t de beurt ân Sander Mattheijssen, daen ôs meinoom in de historie vân de 3-kes. ’n Inspirerend verhaal ovver ’t ôntstaon en de toekômsplanne vân dit Venloos Vastelaovend Gezelschap.

Vervolleges waor ’t de beurt ân Pierre van Helden, daen ôp gáns eige wiéze ’n prachtige buut vertolkte en waorbeej de lachspiére door de aanwezigen good woorde gebroek.

Natuurlik waor d'r ônder ’t genot vân ’n hepke en ’n drenkske ruúm de gelaegenheid de kránt te bekiéke en um beej te praote. De fieësaovend woord muzikaal ôpgeluusterd door de klánke vân ôs eige schlagerkompeneej.

We waore zieër verheugd um unne groeëte groep adverteerders en vreejwilligers, die eur beejdrage ál die jaore hebbe geleverd ân de keieschiéterskrant, te meuge begroete en kunne trugkiéke ôp unnen hieële geslaagden aovend.

Gaer wille we vân de gelaegenheid gebroek make um de Hertog Jan Brouwereej, de Hertog Jan Preuvereej en iederieën daen dizzen aovend meugelik haet gemâk hârtelik te dánke vör eur beejdrage.