In memoriam Twan Fleuren

'n Trouw lid vân Karnevalsvereniging "de Keieschiéters" is neet mieër.
Twan is in 1983 beej de vereniging gekômme en hae begoos zien lidmaotschap beej de kiénderkarneval. In 1988 stapte Twan aover nao de Kienkemissie en in 1990 stapte hae aover nao de kemmissie Kránt.

Heej bleef hae lid vân tot en mit 1995 en in 1994 kreeg hae de zilvere keieschiéter ivm 1x11 jaor lidmaotschap. In 1997 woord hae lid vân de Zaal Kemissie en bleef dit doon tot 2015. Tiédes dizzen tiéd haet Twan de Gôlden keieschiéter ontvange ivm ‘t 22 jaörig jubileum (2005) en is hae dât zellefde jaor ôk benump tot Commandeur in de Orde van de Ârcese Kei. In 2015 is hae is gestopt mit de Kemissie Zaal.

In 2016 is Twan benump tot Lid vân Verdinste ivm zien 33 jaörig lidmaotschap en meugde hae de BCL ônderschei-jing ôntvange. Daornao haet hae tot un aantal jaor geleeje áltiéd mit zien Vrouw Riet en eur schoeënzeuster Marij de bruuëdjes gesmaerd vör alle artieste vân de zittinge en ’t geüniformiërde gediëlte, en waor hae same mit Riet (âs ’t ging) áltiéd trouw aanwezig ôp alle aktiviteite

Twan is gestorve ôp 19 Maart 2023

Twan, hieël aerig bedánkt vör diene groeëten inzet en wâs-se haes beteikend vör de Keieschiéters.