Jeugd hoëghede Kiezelstiëntjes

Weej fillesitere ôzze ni-jen jeugd hoeëgheid vân Karnevalsvereniging "de Keieschiéters" Ârce Príns

Thei I (Kenis)

Same mit zien Dansmarietje Seray (Mulders), adjudanten

Sev van Dijk & Patrick Vervoort

en sirremoniemeister Niels (van Os)

gaon zeej ’t seizoen 2022-2023 veurôp in alle festiviteite.

Weej haope dât iederieën same mit eur wer vólôp karneval kump viére, na 2 coronajaor.

Dus trek dien pekske alvès oét de kás of begin mit de veurbereiding vör d’n ôptoch.

Vör d’n agenda vân de karneval kiek ôp: www.keieschieters.nl

Proklamasie

Weej, Prins Thei d'n Örste

Beej de grasie vân de kleine Raod vân Ellef,

Príns vân alle snôtneuze vân Ârce,

Beschaeremhiër vân basisschoël de Weiert,

Ridder in de Orde vân groep 7 vân de juffe Yvonne en Lynn ,

Groëtmeister in ’t voetballe beej DEV JO 11-1,

Kommandeur in ’t boéte speule ân de Maas of in de speultuin,

Beschaeremhiër vân alle bewoëners vân de Maasstraot,

Hofmeister in ’t speule vân Roblox of Mine Craft ôp miene kompjoéter of ôp 't tablet,

Ridder in de Orde vân ’t tamboerkorps vân Ârce.

Ân alle jônges en megjes vân Ârce: Alaaf!

Alzoë weej meine dât 't ônder ôs regering nuuëdig is um veurschrifte te gaeve ân alle kiezelstiën vân Ârce, en doon te wiëte:

Ten örste: Dât ik bliej bin Príns te meuge zien nao dae gekken tiéd, ofwâl coronatiéd.

Ten twedde: Dât ’t mich deug deut dât mien klub DEV eindelik zien 100 jaörig jubileum haet kunne viére vör jônk en áld.

Ten derde: Dât ik ’t jaomer vind, dât Frans Cup ziene wínkel haet veránderd, want…. waor môt ik nów hin vör mien speulgood te hale?

Ten verde: Dât ik net âs miene veurgenger nag steeds zuuj dât de stoeptegels oét de speulplâts waere gehaald en ’t hekwaerik wört gesloopt. Laote we d'r same vör zörrige dât dit neet mieër gebeurt.

Ten viefde: Dât mien mam thieë verkôp vind ik prima, mâr de kômmenden tiéd wil ik gaer allieën cola, sjips en pannekeuk.

Ten zesde: Dât ’t alwèr 40 jaor geleeje is dât d'r unne Kenis ovver ’t keieriék heej heerste. ’t Zuj wer us tiéd waere.

Ten zivvende: Dât ik same mit mien Dansmarietje Seray en mien Adjudánte Sev en Patrick en sirremoniemeister Niels d'r unne kei leuken tiéd vân gui make.

Weej, Príns Thei d'n Örste, haope en vertrouwe dât ôs veurschrifte trouw en prômp waere naogekômme en oétgeveurd.

Aldus gegaeve 8 jannewarie 2023,

Príns Thei d'n Örste.