Peter van ’t Hof ovverleeje

Peter van ’t Hof, ieën vân de kreatiefste leeje vân Karnevalsvereniging "de Keieschiéters", is ôp 22 fibberwarie 2023 overleeje. Neet allieën vör Ârce haet haen völ beteikend, mâr ok spesjaal vör ôs Karnevalsvereniging "de Keieschiéters" .

Peter haet unne groeëte kreatieve stémpel ôp ôs vereniging gedowd. Haen begoos beej ôs âs wage- en bühnebouwer, stônd ân de wieg vân d'n örste keieschiéter daen ôp de maert kwaom te zitte. Haet jaorelang mit de “Balleklub” geweldige sketsjes ôp de bühne gebraog, waor we ôs traön um hebbe gelache. Waor beej de Joekskemissie, prissenteerde zittinge en haet verschillende schlagers geschreve en gezônge. Ieën vân zien grötste verdinste waor wâl dât haen de regisseur waor vân ôs geweldige Ârcese revues, die beej verschillende jubilea vân de vereniging ôp de bühne zien gebraog. Vör zien groeëte verdinste beej ôs Karnevalsvereniging is haen benump tot Iérelid vân ôs vereniging. Daorbeej is de stichting volkscultuur Arcen, waor haen de veurzitter vân waor, in 2015 Venlonaer vân ’t jaor gewaore. Dit jaor haet haen nag d'n ôpstaeker vör groeët Venlo meuge ôntwaerepe.

Ge kunt wâl begriépe dât zienen doeëd ’n groeët verlees is vör ’t gánse daörep.

We wínse Dolly, de kiénder, kleinkiénder, áchterkleinkiénd en de res vân de femílie hieël völ sterkte mit dit groeëte verlees.