Placeholder for Logo iconLogo icon
Placeholder for LogoLogo

Aldewiéverdaag

Placeholder for Header Alde WieverHeader Alde Wiever

28 januari 2024

11:11

Raodhoesplein

Aldewiéver

Aldewiéverdaag 28 jannewarie 2024,


Nae neet zoeë-âs ’t vörrig jaor mit ôs jubileum, want dât is ni ieder jaor haalbaar, dât snap geej ok wâl.

Gelukkig ok ni zoeë-âs in ’t Corona jaor, mit 1,5 maeter vân ieën áf en ôp ’n kruk môtte bliéve zitte.

Mâr zoeë-âs we ’t ándere jaore gevierd hebbe wört ’t ok steeds moeilikker umdât d'r nag mâr weinig kefees aover bliéve waor we hin kunne gaon.

Weej âs Aldewiéver kemissie hebbe ôs bedoóch, um toch zôvöl meugelik vrouwluuj ôp de bieën te kriége, d'r dit jaor ’n roete vân te make.

Dit ok, zoeëdât we dân mit zôvöl meugelik vrouwluuj beej-ieën kunne zien, wât ’t toch wât gezelliger mâkt dân des-se mit dien gruupke in ’n ‘laeg’ kefee stieës.
En zeker ok vör de kastelein is dit leuker.

Weej snappe baes dât d'r vrouwluuj zien die ôp eur eige manieër rônd wille trekke, dât kunne we naotuurlik ni taegehálde.

Placeholder for Kemissie AldewiéverKemissie Aldewiéver

Alde Wiever - 2023-2024

Diana Verrijt - Verhees (Veurzitster)
Petrie Hendrickx - Vullings
Irma Vullings
Steffie Feijen
Yvonne Hendrikx
Fleur Hendrickx

’t Programma mit de “roete” is âs volligt

  • 11.11 oor aöpening ôp de maert, beej de Keieschiéter.
  • ± 11.30 oor richting de Preuvereej. Âs-se wees loeëpe dân kân dât, mâr d'r reeje ok 2 taksie buskes. (de koste heerveur bedrage € 1,00 per áld wiéf, per ínkel ritje)
  • ± 14.30 oor beginne we trug te gaon richting daörep en belande we beej kefee Rayer. Ok dât kân te voot of mit d’n taksie.
  • ± 18.00 oor gaon we dân ech ’t daörep in en kômme we beej kefee de Maert, wât dân teves ôs laeste halte is. Woej lang geej daor wilt bliéve, is ân oow zellef

Ôp iedere lokasie wört oow ’n kleinigheid um te aete ângebaöje. Utzij wât um te knabbele, ’n suupke of iets lekkers oét de frietpan. En nae daor hôf ge ni vör te betale.

Weej haope dât d'r wer ’n leuk aantal vrouwluuj mit ôp paad gieët, zoeëdât we d'r allemaol same wer enne kei leuke daag vân kunne make! Kemissie Aldewiéver

Placeholder for Aldewiéver logo rôndAldewiéver logo rônd

Foto's vörig jaor

Alle foto's
Placeholder for DSC 0209 2DSC 0209 2
Placeholder for DSC 0204 2DSC 0204 2
Placeholder for DSC 0205 2DSC 0205 2
Placeholder for DSC 0207 2DSC 0207 2