Dieël dien karnevalslol mit ôs!

Wât waor ’t ’n fan-tas-ties zittingswiekènd mit allieën mâr högtepúnte. Geweldige Ârcese ekts, prachtige ôptraejes vân ôs groeëte en kleine Prínsegarde en ’t oétkômme vân de ni-je hoeëghede maakte ’t wiekènd kompleet! Weej kunne neet wáchte um d'r same mit iederieën unne kei toffe karneval vân te make!

Dees waek waere de foto’s vân ’t áfgeloeëpe wiekènd geüpload ôp de websait. Hebt geej tiédes ôs aktiviteite foto’s gemâk die ge mit ôs wilt dieële, dân kân dât! Zoeë krejére we same kei moeëje herinneringe die karneval 2023-2024 kleur hebbe gegaeve. Hebt geej geweldige foto’s vân oowe karnevalspekske, d’n ôptoch of ’n ándere aktiviteit en die wil-se dieële, dân keus-se die steure naor pr@keieschieters.nl en weej zörrige d'r veur dât die ôp de websait kômme te staon. Let wâl ôp, dât wannieër d'r mieër persoeëne ôp de foto staon, dâs-se die foto pas meugs versteure mit eur toestemming.

Weej hebbe d'r zin in! Hebt geej dât ok?