Je bekijkt een pagina uit een oud seizoen.
Klik hier om terug te gaan naar het huidige seizoen
Ni-js
In memoriam Fer van Swelm
8 november 2023Ôp vriejdig 3 november krege we beej ’t bestuur ’t bereech binne dât Fer van Swelm is ovverleeje.
Fer kwaom in 1971 beej de vereniging en woord in 1972 Príns vân de Keieschiéters. Fer waor ok lid van Rônd um de Pômp die in die jaore völ âs artieste ôp ôs zittinge ôptraoje. Heejveur is haen ônderschei-je âs Kommandeur in de Orde vân d’n Ârcese Kei. Fer is beej de Raod vân Ellef gewès en haet ziech jaorelang ingezatte vör de Kienkemissie. Nao ’t zilvere en gólde speldje kreeg haen in 2004 de BCL Ledenorde vör zien 33-jaörig lidmaatschap vân de verieëniging en woord haen benump tot Lid vân Verdinste. Woej haen 4 x 11 jaor beej de verieëniging waor haet Fer ’n persoeënsgebônde beeldje gekrege.
Âs lid vân de OPA’s waor Fer vânáf ’t begin de sikkertaris vân die klub. Zoeë-âs haen zellef zei: ’n Baan vör ‘t laeve! Weej, Keieschiéters, zulle Fer gaon misse en wínse vânáf dees plâts de mínse die Fer leef hâj hiël völ sterkte mit dit verlees.
