Placeholder for Logo iconLogo icon
Placeholder for LogoLogo

Je bekijkt een pagina uit een oud seizoen.
Klik hier om terug te gaan naar het huidige seizoen

Ni-js

Placeholder for Vieftal 2024Vieftal 2024
Algemein

Jeugdprins Noud I

14 januari 2024

Jeugdhoeëghede vân de kiezelstieëntjes

Weej fillesitere ôzze ni-jen jeugdhoeëgheid vân Karnevalsvereniging "de Keieschiéters" Ârce:

Príns Noud I (Raijer)

Same mit zien Dansmarietje Cato (Engels) zien Adjudánte Joulz (Ritter) & Duke (Sanders) en sirremoniemeister Mees (van Helden) gaon ze ’t seizoen 2023-2024 veurôp in alle festiviteite.

Ôp de kiénderzitting vân 14-11 zien Príns Noud I en zien Adjudánte Joulz & Duke tiédes de finale oét de kei gesprônge. Ôp karnevalszaoterdig 10-2-2024 is de resepsie en iederieën is dân vân hârte welkôm um de ni-je Príns Noud I en zien Dansmarietje Cato, zien Adjudánte Joulz & Duke en sirremoniemeister Mees te kômme fillesitere. Ôp zaoterdigmiddig veuráfgaond ân de resepsie, zal Príns Noud I te bewôndere zien ôp de prínsewage tiédes de kiénderôptoch!

De kômmende waeke gieët Príns Noud I same mit Dansmarietje Cato, de Adjudánte Joulz & Duke en sirremoniemeister Mees d'r ’n geweldig fieës vân make en we haope natuurlik dât iederieën aanwezig is beej de aktiviteite! Dus, pak dien fenste pekske oét de kás of begin mit de veurbereidinge vör d’n ôptoch. Kiék vör ’t volledige programma ôp:

De karnevalsvereniging… | Karnevalsvereniging "De Keieschiéters" Ârce (keieschieters.nl)