Tom Imming ni-je Vôrs Keieschièters

Tiédes de áfgeloeëpe leejevergadering vân 3 november is Tom Imming unaniem verkaoze tot bestuurslid algemeine záke vân ôs verenining. Ôk werd bekend gemâk det Tom de scepter vân Vors Edward gieët aoverneme. Vânmiddig tiédes de Ouverture is de offiesjele aoverdrach gewès en haet de Keieschiéters in Tom Imming unne ni-je Vors. Tom traoj vanmiddig nag áf âs Príns Tom I, mâr zal dus per dirèk de rol âs Vors vervulle.

Edward Cox noom in november 2017 de scepter aover vân Frans Cup. De áfgeloeëpe 6 jaor haet Edward mit völ plezeer dieël oétgemâk vân ’t dageliks bestuur.

Vör eum persoeënlik waor ’t vraoge vân en ‘t kontak mit de hoeëgheid wies ‘t oétkômme ôp de zitting ellik jaor wer ‘n moeëje ervaring.

Names Karnevalsvereniging "de Keieschiéters" bedánke we Edward vör de áfgeloeëpe jaore en wínse we ôpvolliger Tom völ suksés!