Twedde Zitting

En neemus wet waen Príns en Dansmarietje(!) zal zien

Jaorliks organizere we 2 zittingsaovende in ’t MFA. Dit jaor vör ût örst in november! Ôp allebei de aovende waere de bezeukers getrakteerd ôp o.a zang, dáns en sketsjes vân Ârcese artieste. Ôs Hofkapel zörrigt vör extra muzikale note en de groëte en kleine Prínsegardes sjoowe eur dánse.

Artieste die al jaorelang meidoon en ni-j talent wissele mekaar áf ôp ’t podium. Ekts vör jônk en áld! Vânáf 18 jaor bees-se welkôm um te kômme kiéke.

Vânaf dit seizoen wört 't ni-je Groeët Dansmarietje ôk tiédes de örste zitting bekend gemâk. Wie? Det blieft nag ûn verrassing!

Ôp vriejdigaovend is de slot-ekt traditioneel ’t oétrope vân de groëte Príns. Mit allemán zinge: “En neemus wet waen Príns zal zien” en “Weej ropen ‘m oét”, waornao de Príns oét de kei springt um same mit zien Dansmarietje mit Karneval veurôp te gaon. Aansloétend kân gezellig naogeprot waere in de fwajee.

Iederién is vân hârte welkôm um mei te lache, te sjoenkele en te zinge.

Wees-se âs artiest meidoon, dân keus-se ôs mailen zitting@keieschieters.nl.

Ok vör informasie keus-se ôs altied mailen.