Keieschiéter(s)! Bekèn kleur dizze zomer

Giës diech d’r dizze zomer ôp oét en bekèns-se kleur?!

Unnen daag naor Wálbeck, ‘t strand of naor Fránkriék, enz. Maak dân ‘n leuke foto mit de Ârcese Keieschiétersvlaag. Steur de foto door naor de krant@keieschieters.nl (ôf eemus vân dees kemmissie) mit de name van de persoëne die d’r ôp staon en de plats/aangelaegeheid waor-se bees.

De zomervakánsie is boéte unnen heerlikken tiéd um efkes niks te doon, ok zeker unnen tiéd um inspirasie ôp te doon vör de res vân ‘t jaor. De meis spontane iedeeje ônstaon duk ôp vakánsie.

Misschien haes-se wâl ‘n leuk idee vör de zittingen of misschien vör d’n ôptoch vân kômmend seizoen?

Laot de inspirasie alvès de vreeje loeëp en meld diech t.z.t. aan!

Hiël völ vakánsieplezeer!