Vienna van den Hoek ni-j Klein Dansmarietje

Ôp 11 september waor ’t dân eindelik zoeëwiét.

Nao d’n traeningsaovend vör d’n dáns woord ’t klein Dansmarietje bekend gemâk.

Wât waor dât spannend!

D'r kwaome unnen hieëlen hoeëp ballonne de Blokhut binne en de megjes meugden die kapot staeke. In 1 ballon zoot de naam vân ôs ni-j Dansmarietje: Vienna van den Hoek.

Weej wínse Vienna unnen hieële fijnen tiéd toe, same mit alle megjes vân de Prínsegarde, de ni-je kleine Príns, de Adjudánte, Sirremoniemeister Skyler en de jônges vân de Raod vân Ellef.