Zittinge: november 2024

En neemus wet waen Príns (én Dansmarietje) zal zien!

Zoeë-âs geej wet zien de zittinge vânáf dit seizoen al in november en hebbe we dân misschien wâl d’n örste Príns Karneval vân Limburg (en wiét daorboéte)!

De groeëte en kleine Prínsegarde zien vólôp ân ’t oefene en ok de artieste zien flink ân de geng um d'r same wer ’n kei moeëj zittingswiekènd vân te make.

Daor wees-se toch beej zien?!

De örste zitting is ôp vriejdig 22 november. Dân wört ok bekend gemâk waen dit seizoen de ni-je hoeëgheid wört. Ni-j is dât dân ok ’t groeët Dansmarietje bekend wört gemâk.

De twedde zitting is daags dr nao, ôp zaoterdig 23 november. Dân doon alle artieste euren ekt nag èns good aover!

De kaartverkoeëp is ôp dínsdig 22 oktoeëber um 20.00 oor in de MFA.

Ôp zôndig 24 november is de kiénderzitting en wört bekend waen de ni-je Jeugdprins en Adjudánte waere. ’t Klein Dansmarietje is dân al bekend. De kiénder die de ekts ôp de kiénderzitting ôpvoere waere de bühne ôp en áf gebraoch door sirremoniemeister Skyler!

Wees-se meidoon ân de kiénderzitting? Hald dân ôs websait in de gate!