Groëten Ôptoch *ônder veurbeháld*

Karnevalsmaondig groëten ôptoch

Ôp karnevalsmaondig zal de groëten ôptoch georganizeerd waere in de straote vân Ârce. Veurôp gegaon door ôzze sirremoniemeister zulle de ôptochdiëlnemers eur wages, pekskes en moeëje kreasies vânáf 14:00 oor ân ’t vóllik in Ârce laote zeen. Dit zal natuurlik gebeure ônder de begeleidende meziek vân de Hermenie vân Ârce en ándere meziekgroepe. Natuurlik zal d’n ôptoch áfgeslaote waere door de Prínsegarde mit ’t Dansmarietje, gevolligd door de Raod vân Ellef en de Príns ôp de áltiéd moeëje prínsewage.

Ônder d’n ôptoch zulle verschillende zjurieleeje de diëlnemende groepe beoërdiële ôp interaktiviteit, orzjeinaliteit en karnevaleske oétstraoling. D’n oétslaag vân dees zjuriebeoërdiëling zal nao d’n ôptoch in ’t MFA bekend gemâk waere, waorbeej de priéswinnaars natuurlik unne moeëje priés winne.