Heilige mis

Heilige Mis

In de Heilige Mis ôp vastenaovendzôndig staon we midde in de karneval efkes stil beej iederieën daen ni mei kân doon ân de festiviteite, waeges ziekte of ándere umstandighede.

Ôs hoeëghede zulle ’n beejdrage levere ân de viering vân de Heilige Mis.

De viering wört muzikaal ôpgeluusterd door de Keuninklikke Hermenie Ârce, die ôp ’n gáns eige manier inkele karnevalsnummers zal oétvoére.

Nao áfloeëp zal door Karnevalsvereniging "de Keieschiéters" gekollekteerd waere vör de Stichting Hartslag, die wört gesteund door de vereniging.