Aldewiéverdaag

9 februari 2025
11:11
op de maert
Alle vrouwluuj vân Ârce
Aldewiéverdaag 9 fibberwarie 2025
Net âs vörrig jaor hebbe weej âs Aldewiéver kemissie wer 'n roete langs de dieëlnemende kefees veur oow samengesteld. Zoeë haope weej mit zôvöl meugelik vrouwluuj beej-ieën te kunne zien, wât ’t dân toch wât gezelliger mâkt âs des-se mit dien gruupke in 'n “laeg” kefee stieës. Mâr zeker ok vör de kastelein is dit leuker.
Weej snappe baes dât d'r vrouwluuj zien die ôp eur eige manieër rónd wille trekke, dât kunne weej naotuurlik ni taegehálde.
De “roete” is âs volligt:
11:11 oor aöpening op de maert.
+/- 11:30 oor richting Preuvereej.
+/- 13:30 oor gaon we trug richting daörep en belande we beej kefee Rayer.
+/- 16:00 dit jaor zit de Arcense Herberg wer op de roete, heej zulle we ân 't end vân de middig hin gaon (zeej zien geaöpend vânáf 15:00 oor).
+/- 18:30 oor trug naor 't daörep en kômme we beej kefee de Maert, wât teves ôs laeste halte is.
Âs-se wees loeëpe kân dât, maar d'r reejt ok ’n taksie buske. (€1,00 per áld wiéf, ínkel ritje)
Geej kunt vör eige raekening 'n hepke bestelle in ’t kefee en/of iets kleins in oow kallebeske meineme. Weej haope dât d'r wer 'n leuk aantal vrouwluuj mit ôp paad gieët zoeëdât we d'r allemaol same enne kei leuke daag vân kunne make!
Kemissie Aldewiéver

Alde Wiéver
Diana Verrijt - Verhees (Veurzitster)Petrie Hendrickx - Vullings
Irma Vullings
Steffie Feijen
Yvonne Hendrikx
Fleur Hendrickx
De foto's vân vörrig jaor



