Karnevalsdínsdig

Ôp karnevalsdínsdig gaon we d'r nag ieëne kieër ’n moeëj fieësje vân make. Vânáf 13:30 oor is iederieën vân hârte welkôm beej de Hertog Jan Preuvereej (binne). Coen Janssen kump ’n spetterend ôptraeje gaeve. Beej de Preuvereej zal ôk de Kiénderkarneval eur offisjele áfsloéting hebbe, mit ’t áftraeje vân ’t jeugdviéftal.

Ûm 19:30 oor gieët 't fieës verder beej kefee de Maert, waor we de vastenaovend ûm 22:11 oor sáme âfsloéte mit 't áftraeje vân Príns Rick I en Dansmarietje Daantje.

Dizzen daag ken d'r mit de Arcent betaald waere.

Fieës gegarandeerd dus!