Aldewiéverdaag 2014

Jao vrouwluuj, nag efkes en dân is ’t wer zoë wiét,
Dân hebbe weej wèr ôzzen Aldewievertiéd.
Mâr örs wille weej vriejdig 7 fibberwari vergadere daorveur,
Dân haet café de Maert vânáf 20.30 oor ‘n aope deur.
En geej (ALLE VROUWLUUJ) meuge daorbeej ni ôntbraeke,
âs weej de vollegende agendapunte gaon bespraeke:

Agenda aldewiéververgadering

Aldewiéverdaag (zondig 9 fibberwari)

Start um 11.11 oor op ’t Raodhoésplein mit 't ônthulle vân de Keieschiéter door ôzzen hoëgheid Ruud I en zien dansmarietje Nena.

Weej zien verheugd dât ôs kasteleins eur baés hebbe gedaon um ôs te vermake.
‘t 'Programma' zuut d’r âs volligt oét:

13.00 - 14.00 oor, Café de Gats:
Ruud Stikkelbroek (van Bram en Ruud)
14.00 - 15.00 oor, Café de Maert:
Patrick Pilot
15.15 - 18.30 oor, Café de Inaborg:
aanstaörmend talént Danny Droes (ofwâl Miel Verstappen) en DJ-Geert-Jan
19.00 - 01.30 oor, Café de Gats:
DJ Jelle

Weej zien d’r wer klaor veur, geej haopelik ôk !!!