De 28 ^e Bônten Hoephap vör Stichting Gemínschapshoés De Klosterhoaf

Dit jaor woord d’n Bônten Hoephap alwèr vör de 28^e kiër door ’t bestuur van Karnevalsvereniging "de Keieschiéters" oétgereikt. Mit de oétreiking vân dit prachtig bônte beeldje wört jaorliks unnen Ârcenaar ge-iërd um eum of eur daormei publiekelik te bedánke vör zien groëte verdinste vör ôs daörep ôp maatschappelik vlak.

Dit jaor woord vör ’t örs in de geschiedenis d’n Bônten Hoephap oétgereikt ân ’n stichting en wâl de de stichting Gemínschapshoés De Klosterhoaf.

D’n Bônten Hoephap 2016 giét neet zoëmâr nao eemus….

Ôp iën of ándere wiés zulle bijna alle Ârcenare wâl us ’n beroep gedaon hebbe ôp d’n ôntvenger vân d’n Bônten Hoephap 2016.

Ôp iën of ándere wiés zulle völ Ârcenare wâl us ’n beroep gedaon hebbe ôp de gasvreejheid die gebaoje wört door d’n ôntvenger vân d’n Bônten Hoephap 2016.

Ôp iën of ándere wiés zulle völ Ârcenare door d’n inzet vân d’n ôntvenger vân d’n Bônten Hoephap 2016 d'r völ gelache hebbe, mâr ok zeker mei en dân ’n traon gelaote hebbe.

Ôp iën of ándere wiés haet d’n ôntvenger vân d’n Bônten Hoephap 2016 ok gezörrigd vör ’n geveul vân “Same kunne weej heej bijna alles” tiédes verschillende aktiviteite vân vereniginge, waorônder ok zeker die vân de Keieschiéters. Mâr ok hiël zeker tiédes de jaore dât Ârce te kámpe hâj mit ’t hoëg water vân de Maas.

Daorum waor ’t bestuur vân de Karnevalsvereniging veriërd um d’n Bônten Hoephap te ovverhandige ân d’n hiër Aljen van Giessel, veurzitter vân de stichting Gemínschapshoés De Klosterhoaf, vergezeld door sikkretaris Rene Lammerts en penningmeister Rob Hendriks.

D’n hiër Aljen van Giessel sprook groëten dánk oét names ’t stichtingsbestuur en zien meiwaerikers vör dees iër. D'r waor ok ’n waord vân dánk vör alle Ârcenare, vör euren inzet ôp wellike maniër dân ok beej de tot stánd kômming vân ’t ni-je MFA.

Ok woord de wíns oétgespraoke dât dees prachtige akkemedasie nag miër verbínding zal bringe in ôs hechte daörepsgemínschap.

Same kunne weej heej bijna alles…..