Effe Alde Bette - Aldewiëverdaag 2014

We geven de pen door - Effe Alde Bette - Aldewiéverdaag 2014

De spanning löpt op, völ gewazel ovver de meel
Wie kriëge we dizzen daag wer op de reel
Alle âfsprake vâslegge, waen deut wât
D’n urste opzet vân d’n daag in ut klad
Boadschappe zien gedoan, kliëd oet de kas
Hudje op en dan maar hoape dât alles nag pas

D’n groëten daag aangebroake, thoes beej manleef instruksies oétgezatte
Mit z’n allen op nô Manzjee, lekker un ontbijt mit koffie, thië of latte
Tiëdens ut ontbijt kwaom ‘t hoëge wóord d’r-oët: un adjudánte-móoderfillesitasie !
Mit heuse sjaerep, un “ald wiéver”-ônderschei-jing en vànzellefspraekend un proklamasie
Ut waor aerg moeëj gemàk en leek net ech
Komplimente vör de knutselaers zien heej zeker terèch
Mit dizzen daag giët iederiën mei, zellefs in rolstool of de kouse mit duk-teep vâsgemâk
Mâr mit zonne wind môt alles vâsgeplek en strak, mit de kapsels in de lak
Door de wind woar het wal flink kalt boëte
Ok vur de keiemegjes um boëte te toëte
Dât erme dansmerietje Nena stiët has in ’t ondergood
En prins Ruud I bekans zonder hood
‘t Woar aerg moeilik um noa ut offisjele gediëlte ôs gruupke op-pe geveulige plaat te zette
Unne hoëp woar al weg of stond ûrges te bette
Aerg jammer vur de karnevalsvereniging of gezeëchte-bóok, we stoan d’r ni mit z’n alle op
En we woare zoë moeëj in ôs kliëd mit hudje op-pe kop

Op nô de Gats mit Ruud (dit kiër zônder Bram) oët ôs daäk
Toen ging het fiëste pas ech los, die schoöte ech wal raak
Kefee de Maert goaf ôs Patrick Piloot, het geluúd woar ech wie unne raket
Oërdoppe in, motore gestart, reeme vas en geef um van Jet
Dan nô de Inaborg mit Miel (dae hâj zien hoar loate gröje) mit unne sjieke outfit
Ut woar geweldig en hae hilt de alde wiéver góod op de rit
De mage begooste arig te gromme noaderhand, hup snel nô Manzjee
Die hele doa vur ôs un taffelke vreej
Âs letste ginge we nô de Gats mit die-djee Jelle, toen sloog de ni te proëme wal àn
Sommige zooge zellefs sterre, de andere de maan (moan rijmt neet)
Weej âs alde wiéver brei-je d’r un eind aan vur 2014
En gaeve alde wiéverdaag dit joar mit z’n alle un dieke tién

Tiëdens de alde wiéververgadering vân vriëdaag de zivvende fibberwarie haet alde wiévergroep ‘Ut Kump Wal’ àngegaeve dât zeej ut stukske ‘effe alde bette’ vân 2015 wal schriëve zal 
Weej wínse oow nòw dàn völ laesplezeer en beej deze gaeve weej àn dae groep door die penne-veer ! 

Ârce Alaaf,  ‘UT ALD WIËSHOËS’

PS: vriejdig 30 jannewarie a.s. - Alde Wiéver Vergadering (20.30 oor beej Kefee de Inaborg)



Geplaatst op 14-01-2015

De Hertog Jan Brouwerij
Vakgarage Brueren & Keetels - Velden

Òntworpe & Aangedreeve door Web-id
Copyright © 2018 De Keieschiéters Ârce
Vragen of opmerkingen over de inhoud kunt u sturen naar webmaster@keieschieters.nl