Os hoëghede

Proclemasie

Weej Prins Henk d’n Twedde

Beej de grasie van de Raod van ellef

Prins van Arce, zonder Lomm en Velde

Groetvorst in de orde van de Arcese kei

Kommandeur in de orde van de hoephap

Beschermhier van ut zwakke geslach van ut Lommse thietuitenriek

Keurvorst van de vriendengroep Gen Fatsoen

Groetmeister in ut wazele door de microfoon

Ridder in de orde van ut Sint Maarten commitee

Kommandeur in de orde van de gezelligste stroat van Arce, D’n Trip

Groetvorst in de orde van de joekscommissie van de CV Keieschieters

Groetmeister op de midden positie van AV Flash heren 2 en tevens groeëtmeister in ‘t coachen van de meiden van circulatie 6

Ridder in de orde van de oudervereniging van de Wijdtveldschoel

Beschermhier van 2 prachtige meiden , Aniek en Joska

Groetvorst in de orde van alle kiender mit un lichamelijke en geestelijke beperking

Keurvorst van de plantjes, ut gras en de bloemen in d’n tuin aan d’n trip

Alzoe weej in ovverwaeging genaome hebbende , dat ut dinstig is um verordeninge te treffe in ut belang van os onderdane, gelet op ut bepaalde in artikel ellef van ut vastenaovesriggelement, verordene weej en doon te wiete:

Te Urste: Dat de samenvoeging van de geminte Arce en Velde mit diverse gegadigde de gemoederen flink bezig held is bekend, un heisessie gaof d’n doorslaag, ik bin allien beneejd of het ein tanz auf zwei hochzeiten wuurd of dat de PK/PVDA toch nog heur zin kriegt en dat ut wie van de drie wurdt.

Ten Twedde: Dat prins waere in 2008 un kort mar krachtig verhaal zal waere hof ik ow neet te vertelle, als geej waer zoe snel unne kier van unne prins af wilt zien mot geej wachtte tot 2019. KEI SNEL MAR TOCH KEISJEIK.

Ten Derde: Dat unne herder duk veul schop haet wiete we allemaol, echter de kudde van pestoer van de Ven wordt nauw wal erreg groet, hopelik krieg hean alle schopkes nog op ut druege.

Ten Verde: Dat AV Flash en D.E.V. Arce dit jaor veur ut urst aan elkaar verbonden zien is neemand ontgaon , un gooje zaak dat deze verenigingen zich op deeze manier kunnen ondersteunen en helpen, in de toekomst zal blieken of deez vrijage leidt tot un neeje sport in Arce VVV Arce Voet Volleybal Vereniging Arce

Ten Viefde: Dat op ellike pot un dekseltje past is un bekend gezegde, Klein Vink weurdt Roompot Maasvallei weurdt Polenpot, de kerstmert mar gauw in d’n doefpot en het post en V.V.V. kantoer gingen in de verdwienpot, waak asteblif veur deez potjes want straks kan Arce veur de toeriste de Pot op.

Ten Zesde: Daet de maert allang un M.F.A. is wiete mar weinig minse 6 kier un sfeermaert, theaterveurstelinge op de maert, un aspergemaert, un herfstmaert, en un kerstmaert, de keieschieters zien on-line mit un eige site mar Arce kan ok zonder problem op Maertplats.nl.

Ten zivvende: Dat laot ow us huure un daverend succes waor heb geej kunne zeen en huure felicitaties an alle die d’r veur hebbe gezorgt dat de ouver……..woej hoat ut ok alwer, snel oet de gedachte van alle keieschieters werdt gewist.

Nauw ut vervolg: LOAT OW US HUURE EN LAOT OW US ZEEN IN 2008

Ten Achtste: Dat we beneejt zien naor de PR campagne van Venlo en Horst meuge duudelik zien, ik waarschuw ow alvast veur unne dreumel mit un jocusmuts, op blief kalm sloet rame en deure zet de radio aan en wach tot ut liedje Weej zien mar Arcese keie door de speakers klinkt. Dan zien we wer veilig.

Ten Niggende: Dat de kastieltuinen unne doorstart make is beej iedderien bekend, alle daag van ut jaor ope mit hiel veul aantrekkelijke activiteiten um ut publiek te vermake. Ze zien zelfs mit de NS in ziej gegaon, now mar haope dat de neeje reistieden ut treinverkier naor de kastieltuinen neet te duk laam laet.

Ten Tiende: Dat de processie wear neej leave is ingeblose hebbe we gemerkt.

Mariabeelden, roezeblaedjes, vlaag en wimpel, alles woerd oet de kas gehaald um ut fiest te doon slage. Aan ut end van de regenboag stond ok heej dea pot gold Unne lekkere pot beer um te klinke op ozze leeve Hier.

Ten Elfde: Smeer de koete rek de spiere op want de kommende veer waeke zal ik als prins same mit mien dansmarietje Eline, d’r veur zorge dat Karnaval 2008 beej alle Arcese keie veulbaar aanwezig zal zien. Pak ow op en en deuj mit os mej want iers ze ut wets is ut alwer veurbeej.

Aldus gegaeve te Arce

Vasteaovend 2008

Prins Henk d’n Twedde