D'n Ôpstaeker is te koëp

Baeste Keieschiéters en Keieschiéterinnekes,

Vânáf 11-11 is d’n Ôpstaeker vör ’t seizoen 2020-2021 wer te koëp beej Cup Arcen vör € 5,- ’t stuk.

Ôndánks ’t biezôndere jaor hebbe weej same mit de 5 stadsdiële d’r toch vör gekaoze um ok dit jaor d’n ôpstaeker wer oét te bringe. Ellik jaor drug iederiën, groët of klein, beej ân de vastenaovend in Ârce, zoëdât ’t áltiéd ’n groët fiës wört. Dit jaor is ’t allemaol efkes ánders. Laot daorum dizzen “Ôpstaeker” vör iederiën daen de vastenaovend in Ârce ’n waerem hârt toedrug, unnen echte ôpstaeker zien. ’t Is wer ’n prachtig eksemplaar gewaore, dât neet meug ôntbraeke in ieders kolleksie. Draag ‘m juus dit seizoen, zoëdât iederiën mit de karnevalsdaag toch ’n stukske vastenaovend mit ziech meidrug.

De ôpbrengste vân d’n ôpstaeker zien finansjeel echte ôpstaekers vör ôs vereniging in dizzen tiéd.



Geplaatst op 14-11-2020

Brasserie & Maasterras Alt Arce - Arcen
Hurkmans pallets B.V. Maastricht

Òntworpe & Aangedreeve door Web-id
Copyright © 2020 De Keieschiéters Ârce
Vragen of opmerkingen over de inhoud kunt u sturen naar webmaster@keieschieters.nl