Os jeugd hoëghede

Proclemasie

Weej, Prins Siep d'n Örste

Beej de grasie vân de kleine Raod vân Ellef,

Príns vân alle snôtneuze vân Ârce,

Beschaeremhieër vân basisschoeël de Weiert,

Ridder in de Orde vân groep 7 vân juf Daisy en meister Bart ,

Groeëtmeister in ’t voetballe beej DEV JO11,

Kommandeur in 't krosse ôp mien step door 't daörep en 't ravotte ôp 't trapvéldje of in ôzze speultuin,

Beschaeremhieër vân alle bewoeëners vân de Lage Lei,

Hofmeister in ’t speule vân Brawl stars ôp miene Nintendo Switch,

Ân alle jônges en megjes vân Ârce: ALAAF!

Alzoeë weej meine dât 't ônder ôs regering nuuëdig is um veurschrifte te gaeve ân alle kiezelstieën vân Ârce, en doon te wieëte:

Ten örste: Dât ik ’t leuk vind dât d’n örste schoeëlôptoch vân vörrig jaor ’n suksés waor. En ik dân ok haop dât weej oow allemaol meuge zeen ân de kánt vân de waeg beej de kômmende schoeëlôptoch ôp karnevals vriejdig.

Ten twedde: Dât ik mien liérare vraog um ôs neet zoeëvöl hoéswaerik te gaeve, umdât ik de kômmenden tiéd hieël aerig druk bin mit hosse ôp dees buún.

Ten derde: Dât ik ’t prima vind dât d'r ’n gedieëlte vân ôzze speultuin weggieët, âs weej mâr plâts zât aoverhálde, zoeë-dât weej mit alle kiezelstieëntjes vân Ârce daor toch kunne bliéve speule.

Ten verde: Ik vind ’t jaomer dât ’t aantal jeugdtraeners beej DEV truglöp. Ik haop dât mínse ziech dân ok aanmelde âs vreejwilliger, zoeë-dât de jeugd kân bliéve sporte en kân bliéve doon wât ze leuk vinde.

Ten viefde: Dât ik ’t unne gôje zet vind dât de waerikgroep jeugd vân de daörepsraod samewaerikt mit ’t hanghökske, zoeë-dât d'r toffe aktiviteite geplend bliéve waere vör de aldere jeugd in Ârce.

Ten zesde: Dât ik bliej bin dât ik nów gezônd aete kriég ôp schoeël. Mâr dât ik ’t jaomer vind dât d'r minder tiéd aoverblief um te speule ôp straot.

Ten zivvende: Dât ’t vândaag presies 50 jaor geleeje is dât mienen opa Thijs Príns waor en dât 't 3243 daag geleeje is dât miene pap Príns vân Ârce waor. Haopelik kunne we dees tradisie in stánd hálde.

Ten achste: Dât ik bliej bin Príns te meuge zien vân alle Kiezelstieëntjes vân Ârce en dât ik d'r unne geweldiggen tiéd vân gui make, same mit mien Dansmarietje Vienna, mien Adjudánte Cas en Tygo en Sirremoniemeister Skyler.

Weej, Príns Noud d’n Örste, haope en vertrouwe dât ôs veurschrifte trouw en prômp waere naogekômme en oétgeveurd.

Aldus gegaeve te Ârce, 24 november 2024,

Príns Siep d'n Örste.