Ôzze Kanarie
2007-2008
Artiest:
Roy Munten, Florijn Neeten, Ron Pingen, Edwin Ritt
Geschreve door:
Wim Janssen
Muziek vân:
Hay Korsten
Spotify:
Tekst:
Refrein
Ellik jaor ôpni-j rônd fibberwarie,
Jao dân flöt, flöt, flöt ôzze kanarie,
Unne wáls, unne polka, alles zuúver in de maot
En toch krieg haen genne borrel, mâ gewoën kanariezaod.
Luuster good, ech waor, ’t is genne larie,
Wât weej zegge, ovver ôzze knarie.
Vrog geej dân woej haen dât fluite kân?
Now, dân snap geej d’r ok gaar niks vân.
Koeplet
Beej ôs thoés vör ´t raam, dao is zien váste plek.
Zuut vân alles um zieg hin, is haen ôp ziene stek.
In de kamer en ôp straot, dao huur-te allerlei,
Wât joeksig in zien oére klink, dao deut-te dân ân mei…
Koeplet
Beej ôs thoés ôzze Piet, want dât is wie-je het,
Âs ´t wèr aswoensdig is, dât vint-te naatje pet.
Kiek dân treurig, flöt neet miër, jao ´t is ierlik waor,
Dân dink-e beej zieg net âs weej, wât deurt dât lang zon jaor…
