Placeholder for Logo iconLogo icon
Placeholder for LogoLogo

Ni-js

Placeholder for Header AlgemeinHeader Algemein
Algemein

D’n Opstaeker® 2023

19 oktober 2022

Gröts zien weej âs Karnevalsvereniging "de Keieschiéters" Ârce dât we dit jaor wer de iër hâje um ’t ôntwaerep vör d’n Ôpstaeker 2023 te meuge verzörrige. De vereniging haet heejveur ôs iérelid Peter van ‘’t Hof bereid gevônde um zien kreativiteit aan te spraeke vör ’t ôntwaerep vân d’n Ôpstaeker 2023. ’t Verhaal áchter ’t ôntwaerep is te laeze in ônderstaond persbereech.

https://omroepvenlo.nl/nieuws/...

Names Karnevalsvereniging "de Keieschiéters" Ârce bedánke we Peter vân hârte vör ziene belangelozen inzet vör d’n Ôpstaeker 2023.

Vörluuëpig te koeëp tiédes de Ouverture 2.0 ôp zôndig 13 november a.s.

Waor dât dae verder wört verkaoch, krieg ge nag te huure!

Placeholder for Opstaeker 2023Opstaeker 2023

Persbericht

‘D’n Opstaeker® 2023’ ein ôntwerp van Peter van ‘t Hof

Nao twië jaor genne (georganiseerde) vastelaovend staon veurluipig alle seine op greun veur ein vastelaovesfees wie we det veuhaer gewind ware. ‘D’n Opstaeker®’ is in die vraemde jaore waal gebleve en auk veur de kômmende vastelaovend zal weer ein schoën exemplaar verkriegbaar zien, ôntworpe door Peter van ’t Hof oét Aarce. “Det ik op de respectabele laeftiéd van 81 jaor gevraog woord um ‘D’n Opstaeker® 2023’ te ôntwerpe vind ik ein iër”.

Det de vastelaovend twië jaor langk gruttendeils neet gevierd kôs waere ging Van ’t Hof aan ‘t hert. Mit ‘D’n Opstaeker® 2023’ waas hae d’r daorom nao op zeuk um ‘t juuste geveul te kinne waergaeve det huurt beej eine vastelaovend dae eindelik weer gevierd meug waere

wie ’t zich huuert. Heejbeej kiek hae auk gaer nao ‘t verleeje, gecombineerd mit traditionele carnavals kinmerke. “Ik bin begôs mit ein trekpop die al besteit sinds 1700. Nao inkele umzwervinge kwaam ik terech beej de Kloon, ein figuur det ech beej de vastelaovend huuert”.
De trekpop (liéf) en de kloonclown (gezich) zien dudelik te herkinne. Daonaevebeej guf auk de ballôn ein extra joeksig tintje aan ‘t ôntwerp. Gedeurende ‘t ganse proces haet Van ’t Hof aldoor det ultieme geveul veur de vastelaovend veur auge gehad onder zien eige motto:
“Trek zelf ens dinkbeeldig aan ‘t tuijke, um d’rveur te zörge det ‘t vastelaovesgeveul weer sproedelt en tintelt.”

Peter van ’t Hof (getrouwd mit Dolly, ein echte Aarcese en vader van 3 kinder), is gebaore in Numwaege en haet vanwaeges ‘t beroep van zien vader as militair in zien jeugdige jaore gans Nederland gezeen. In totaal haet hae daodoor 14 verschillende woënplaatse verslete, alveures in 1962 definitief truuk te gaon nao Aarce, wao hae mit zien elders iërder al woënde. Nao suksesvol de Kunsacademie te hebbe doorlaupe is hae werkzaam gewaes beej de V&D in Venlo en beej inkele vakantieparke in Aarce. Daonao is hae veur zichzelf begôs mit ein reclame-bureau. In ziene vreeje tiéd waas (en ís!) hae altiéd actief in ‘t vereinigingslaeve waobeej hae zien creativiteit de vreeje loup kôs laote gaon as o.a. decorbouwer en ôntwerper. Nog altiéd is hae lid van de lokale vastelaovesvereiniging, al is ‘t ôndertösse waal waat minder actief.

‘D’n Opstaeker® 2023’ is ein broche die steit veur de betrokkenheid mit de Vastelaovend binne de Gemeente Venlo. Daonaeve guf ‘t auk einen bliék van waardering veur de vuule vreejwilligers die zich inzitte veur de diverse Vastelaovesactiviteite. Mit de verkaup van de broche wuurt d’r taeves eine finansjele impuls gegaeve aan alle vastelaovesveireniginge binnen de gemeinte. ‘D’n Opstaeker® 2023’ wuurt op d’n Elfde van d’n Elfde geprissenteerd. Vanaaf dae datum is hae auk te kaup beej diverse winkels en via de online-kanale van de diverse vastelaovesvereiniginge.