Prins Hans II

Groeëte Príns Hans II

Weej fillesitere ôzze ni-jen hoeëgheid vân Karnevalsvereniging "de Keieschiéters" Ârce:

Príns Hans II

Same mit zien Dansmarietje Demi (Verdellen) gaon ze ’t seizoen 2023-2024 veurôp in alle festiviteite.

Ôp de örste zitting vân 12-11 is Príns Hans II in de finale oét de kei gesprônge. Ôp karnevalszôndig 11-2-2024 is de resepsie en iederieën is dân vân hârte welkôm um de ni-je Príns en zien Dansmarietje te kômme fillesitere. Ôp maondig zal Príns Hans II te bewôndere zien ôp de ni-je prínsewage tiédes de groeëten ôptoch!

De kômmende waeke gieët Príns Hans II same mit Dansmarietje Demi d'r ’n geweldig fieës vân make en we haope natuurlik dât iederieën aanwezig is beej de aktiviteite! Dus, pak dien fenste pekske oét de kás of begin mit de veurbereidinge vör d’n ôptoch. Kiék vör ’t volledige programma ôp:

Programma 2023-2024