Placeholder for Logo iconLogo icon
Placeholder for LogoLogo

Ni-js

Placeholder for Header NieuwsHeader Nieuws
Algemein

Oétslaag CMC Alaif (beej de Keieschiéters)

2 februari 2025

Áfgeloeëpe vriejdig vônd CMC Alaif plâts beej Karnevalsvereniging "de Keieschiéters". 't Waor unne geweldiggen aovend mit ôptraejes vân artieste oét gans de provinsie. ’t Ivvenemént waor oétverkaoch en zon 800 vastenaovesvierders oét gáns Limburg waore aanwezig in MFA “De Schans”!

D’n aovend woord geaöpend door de winnaars vân vörrig jaor: Vân Lieshout en Arts. Zeej braochte euren hit: Ik Wooj Nie Gaon, wât geliek zörrigde vör ’n fieësje in de zaal.

Artieste kooste in drie kattegorieë meidoon:

  1. Origineel
  2. Cover
  3. Videoclip

Origineel

De groep De Kwante Diekzèk oét Kèpel (Panningen) wônne d’n örste priés in de kattegorie origineel. Dit deeje ze mit ’t nummer: Ut Vastenaovesapparaat. Zeej ôntvinge de wisselbaeker en unne Marlstone Music Cheque.

D’n top viéf:

  1. De Kwante Diekzèk – Ut Vastelaovesapparaat (Pannignen)
  2. Enne Bink – Det Bin Ik Neet Gewaes (Velden/Venlo)
  3. Sjöppe Aos – Mörge Gratis Beer (Heel)
  4. Spass Partout – Stökske Gelök (Venlo-Maastricht)
  5. Ivana – Wea Zaet Mich (Brunssum)

De gánsen oétslaag is te bekiéke ôp de websait vân CMC Alaif.

Videoclip

De winnaar vân de kattegorie videoclip waor Wild Vleisj (Elsloo) mit eur liedje: Bende van ’t Zuuje. Zeej waore ok dao en deeje eur nummer laif ôp de bühne in de MFA.

Covers

De winnaar in de kattegorie covers waor Heite Aos mit 't nummer Ich Sjpaar Gein Cente.

De groep oét Heel en Kelpen-Oler mâkte ’n vastenaovesverzie ôp ’t nummer Ik spaar geen centen vân Mart Hoogkamer.

D’n oétslaag:

  1. Heite Aos – Ich Sjpaar Gein Cente
  2. De Paerdsbak – Vae Haoje De Stumming Dör In (Ospel)
  3. Ruud en Linda – Ich Schmînk Mich (Weert)
  4. Factor Twië – Di Kriebel (Meterik)
  5. De Dikke Doêve – Tikkie Veur De Dorst (Stramproy)

De zjurie bestônd dizzen aovend oét Rob van Soest, Henk Hover, Roel Dijkstra, Twan Relouw en Chantal van Zundert.

De bend STOUT! Zörrigde vör ’t fieësje in de pauze en tiédes de ‘afterparty’.

Tiédes de finale brooch Vorst Tom ’t ni-js dât de edisie vân CMC Alaif in 2028 wer in Ârce zal waere georganizeerd.

De organizasie meug trugkiéke ôp ’n prachtig ivvenemént. ’t Waor ’n geweldig fieës en de sfeer in de zaal waor top! Ok ’n groeët waord vân dánk vör alle vreejwilligers die beschikbaar waore!

Placeholder for Uitslag CMCUitslag CMC
Placeholder for Whats App Image 2025 02 02 at 10 56 14 1Whats App Image 2025 02 02 at 10 56 14 1
Placeholder for Whats App Image 2025 02 02 at 10 56 14Whats App Image 2025 02 02 at 10 56 14
Placeholder for Whats App Image 2025 02 02 at 10 56 14 3Whats App Image 2025 02 02 at 10 56 14 3
Placeholder for Whats App Image 2025 02 02 at 10 56 14 2Whats App Image 2025 02 02 at 10 56 14 2