Ni-je Hoeëghede 2024-2025: Príns Dave Peeters en Dansmarietje Maartje van Giesen

Weej fillesitere ôs ni-je hoeëghede vân Karnevalsvereniging "de Keieschiéters" Ârce:

Príns Dave I (Peeters) en Dansmarietje Maartje (van Giesen)

Same gaon ze ’t seizoen 2024-2025 veurôp in alle aktiviteite dizze vastenaovend.

Ôp de örste zitting vân 22-11 is Príns Dave I in de finale oét de kei gesprônge.

Ieërder ôp d’n aovend woord Maartje van Giesen op spektakulaere wiés âs ni-j Dansmarietje geprissenteerd ân ’t Ârcese publiek.

De resepsie vân Príns Dave I en Dansmarietje Maartje wört gehálde ôp vriejdigaovend 10 jannewarie 2025. Iederieën is dân vân hârte welkôm um de ni-je Príns en zien Dansmarietje te kômme fillesitere. Dizzen aovend is verkleid, dus we haope d'r ’n moeëj, fieëstelik (karnevals)fieës vân te make in ôs MFA.

De kômmenden tiéd gieët Príns Dave I same mit Dansmarietje Maartje d'r ’n geweldig fieës vân make en we haope natuurlik dât iederieën aanwezig is beej de aktiviteite! Dus, pak alvès dien fenste pekske oét de kás of begin mit de veurbereidinge vör d’n ôptoch ôp karnevalsmaondig.

Klik heej vör ’t volledige programma.