Ni-je Hoeëghede vân de Kiezelstieëntjes!

Weej fillesitere ôzze ni-jen jeugdhoeëgheid vân Karnevalsvereniging "de Keieschiéters" Ârce:

Príns Siep I (Reutelingsperger)

Same mit zien Dansmarietje Vienna (vân Hoek), zien Adjudánte Tygo (van Gerven) en Cas (Nijveld) en sirremoniemeister Skyler (vân de Meerssche) gaon ze ’t seizoen 2024-2025 veurôp in alle festiviteite.

Ôp de kiénderzitting vân 24-11 zien Príns Siep I en zien Adjudánte Tygo en Cas tiédes de finale oét de kei gesprônge. Ôp karnevalszôndig 2 mârt is de resepsie en iederieën is dân vân hârte welkôm um dit viéftal te kômme fillesitere. Ôp zôndigmiddig veuráfgaond ân de resepsie, zal Príns Siep mit zien adjudánte Tygo en Cas en de kleine Raod vân Ellef te bewôndere zien ôp de prínsewage tiédes de kiénderôptoch! Dansmarietje Vienna dánst natuurlik mit de res vân de kleine Prínsegarde vör de prínsewage. Skyler zal d’n ôptoch aöpene âs sirremoniemeister.

De kômmende waeke gieët Príns Siep I same mit Dansmarietje Vienna, de Adjudánte Tygo en Cas en sirremoniemeister Skyler d'r ’n geweldig fieës vân make en we haope natuurlik dât iederieën aanwezig is beej de aktiviteite! Dus, gui alvès ôp zeuk naor dien fenste pekske oét de kás of begin mit de veurbereidinge vör d’n ôptoch.

Klik heej vör ’t volledige programma.