Ni-je ôpzet Kiénderzitting

De Kiénderzitting,

Ellik jaor ‘n spesjaal momént vör de kiénder vân groep zaes en zeve. Waen waere de hoeëghede vân dit jaor en gaon mit de karneval veurôp, same mit ôs klein Dansmarietje Niene Hermans en mit ôzze sirremoniemeister Thygo Smits??

Dit jaor wieëte we dit ieërder dân ánder jaore! Want dit jaor kump vör ‘t örs de Príns mit zien Adjudánte ân ‘t begin vân de kiénderzitting oét!

Zörrig dus dât geej um 14:11 oor in ‘t MFA ziet zoeëdât geej niks hoeft te misse!

Waorum dees verándering? Zoeë-âs gezág zien de kiénderzittinge ‘n spesjaal momént vör de kiénder vân groep 6 en 7. Neet allieën vör de jônges mâr ok vör de megjes, want die kunne sinds vörrig jaor ok Adjudánt waere. Ánder jaore zoote de jônges vân dees groepe nao de pauze in de Prínsekamer. Heej woord dân bekend gemâk waen de Príns zuj waere en waen de Adjudánte. Heejdoor misten ze ‘n groeët dieël vân de zitting.

Dit vônde weej wâl aerig jaomer vör neet allieën die jongens en megjes, mâr ok vör ôs artieste die ôp ‘n hállef laege bühne mooste ôptraeje. Dus raeje genôg um dit te verándere.

Weej haope oow ôp tiéd te meuge verwelkômme in ‘t MFA vör ôs kiénderzitting, mit al ân ’t begin ‘t oétkomme vân ôs hoeëghede. ’t Beloft unne geweldige middig te waere vól sketsjes, dénskes, meziek en wât al mieër door ôs kiezelstieëntjes gebraog zal waere.

Aansloétend is d’r vör de kiénder nag unne fantastiese kiénderdisko! Dit wilt geej neet misse!

Wies zôndig 23 november 14:11 oor in ‘t MFA.

Vör unne frietwage is gezörrigd, ge hoef neet geliek naor hoés te gaon 😉