D’n Ôpstaeker 2026

D’n Ôpstaeker 2026, ’n ôntwaerep vân Maarten Grob

Mit d’n Ellefde vân d'n Ellefde in ’t zeech, kump de start vân’t ni-je vastenaovesseizoen vlot doeënderbeej. Tiédes ’t örsvollegende ivvenemént; d’n Ellefde vân d'n Ellefde, zal de ni-jen Ôpstaeker vör ’t örs te koeëp waere aangebaoje. Dit jaoris dât extra biezônder; ’t is namelik ’n jubileumediesie: 2 x 11 jaor! De ieër vör dizze spesjalen ôpstaeker wört gegund ângrafies vaöremgaever Maarten Grob.

Maarten woord 54 jaor geleeje gebaore in ’t Gelderse Pannerden. Ôp zien 5de verhoesde ’t gezin naor de hei in Tegele, vânwaege ’t ni-je waerik vân zien vader. Nów woeëntMaarten ôp Steyl, same mit ziene partner Thekla en eurentwieëling vân 13 jaor. Dât Maarten ’n enorm kreatief persoeënis, woord al vlot duudelik. ’t Waor dân ok gen verrassing dâthaen ziech nao de middelbare schoeël aanmeldde ôp de kúnsakademie. Haen volligde heej de ôpleiding ‘Visuele communicatie’. Âs grafies vaöremgaever waerikte haendaornao beej verschillende reklameburoos, waornao haenvörrig jaor besloot vör ziech zellef te beginne.

Maarten is nevve grafies vaöremgaever ok illustrator, mârprobeert ok ôp ándere maniere zien kreativiteit in te zette. Dit deut haen gaer door ’t gaeve vân kreatieve wörksjops ânkiénder. Ok waor haen afgeloeëpe jaor ieëne vân de Wiékmakers in de Bliérikse wiek Vastenaovendkamp. Same mit de bewoeëners waerikte haen ân ’t door eum bedoochtevlaageproject, mit âs doel de saamhuurigheid in de wiek te verbaetere.

Binne Venlo is Maarten verder bekend âs d’n teikener vân‘Koekwaus’, waorvân ’n paar kiénderbeuk zien verschene. Ôp’t momént löp d'r in de binnestad ’n leuk ni-j projek heejvân:De Koekwaus kruúmeltoch. Ok is haen ônderdieël vân ‘t teikenerskollektief Usake Wok, dât o.a. bekend is vân‘Greekbaer’.

Ok al is Maarten neet in Venlo gebaore, haen haet de Vastenaovend vân jôngs áf aan binne de Gemínt gevierd. Örssame mit zien elders in Tegele, later tiédes zien studie zellefsok in Maastrich. Nao zien studie stônd ’t fieës ôp ’n wâtlieëger pitje, mâr teggewaorig is haen völ in de stad te vínde, same mit zien gezin of vriende.

In ’t ôntwaerep vân d’n Ôpstaeker is dât sáme viere ok duudelik trug te zeen. De letters vân Vastelaovend zien allemaol âs gezeechte geteikend. ’n Verwiézing naor de manier waorôp Maarten gaer zellef vastenaovend viert: ieder ôp zien eige manieër, mâr wâl same!

D’n Ôpstaeker 2026 is vânáf 11 november te kriége via de samewaerkende vastenaovesvereniginge. D’n opbrengs is ten bate vân de vastenaovend binne de gánse gemint Venlo.

De Ôpstaeker is vânaf 11-11 te koeëp ôp de door de Keieschiéters georganiseerde ivvenementen. De Ôpstaeker kost €5,- 't stök.