Bônten Hoephap 2025-2026 vör Herman Valckx

Gister middig is d'n Bônten Hoephap 2025-2026 oétgereikt ân Herman Valckx. Dit gebeurde tiédes Zing Mei. D’n Bônten Hoephap stieët vör d’n hop, ’n bôntgekleurd veugelke dât in de bös vân Ârce veurkumpt.

Net zô bôntgekleurd âs de mínse die d’n Bônten Hoephap in ’t verleeje hebbe gehad of in de toekôms gaon kriége. En mit bônt gekleurd bedoele we mínse die ziech vör verschillende belange vör de Ârcese geminschap hebbe ingezatte. Dit alles gáns belangeloos.

Ût volledige bereech aover Herman zién verdinste vör de Ârcese gemeinschap kumt later ôp ôs sait.