Kaartverkoeëp Zittinge (16+!)

Vriejdig 27 en zaoterdig 28 november vinde ôs zittinge plâts. De veurbereidinge zién in volle gang en de ni-je Hoeëghede ligge al (príns)heerlijk in de watte. Vör dees aovende gaon de kertjes op 27 oktoeëber in de verkoeëp.

De kaartverkoëp vör de zittinge zal plâtsvínde beej MFA de Schans. Vânáf 20:00 oor zal de verkoëp beginne.

Âs-se vör 20:00 oor binne kumps, keusse vânáf 19:30 oor inteikene vör de verkoëp, dus waen ’t örste inteikent is ’t örste ân de beurt um kaarte te koëpe vör de örste of de twedde zitting. Bees-se mit unne groep, teiken dân allemaol geliekertiéd in, zoë-dâs-se plâtse keus rezervere, waor-se mit de groep beejiën keus zitte. Vör de örste zitting meug-se 4 kaarte per persoën koëpe en vör de twedde zitting 8 kaarte per persoën.

Kaarte kóste € 16,- per kaart. Kontánt betale kân, mâr pinne haet de veurkeur!

Ni-je laeftiédsgrens
Ûm jôngere nag mieër te betrekke beej d’n Arcese Vastenaovend hebbe we de laeftiédsgrens vör de örste en de twedde zitting verlegd naor 16 jaor. We vinde ’t belangriék dât ok ôs ni-je ginnerasie kân geneete vân de gezelligheid, tradisies en unieke sfeer die ôzze karneval zoh biezônder mâkt.

Natuurlik blief ’t gebroek vân alkohol strikt 18+. Heejôp zal tiédes de zittinge aktief waere gekontroleerd.

We kiéke d’r naor oét um ôs jônge én âldere vastenaovesleefhebbers te meuge verwelkômme!