Wiel Reivers en John Schinck beneumd in de Orde vân Oranje-Nassau!

Vriejdig 24 april zien Wiel Reivers én John Schinck verrast door d’n Burgemeister, Dhr. Scholten. ’t Haet de keuning namelik behaagd um Wiel en John te benueme tot Lid in de Orde vân Oranje-Nassau.

Wiel is al 46 jaor ’n gewaardeerd lid vân ôs vereniging. Wiel haet beejgedráge in 't bestuur vân de Keieschiéters én is lid of lid gewès vân diverse kemmissies; Joeks-Mezeek-Kránt-LOUH-Ouverture en PR & Kommunikasie. Wiel is onderschei-je mit ’t Iérelidmaatschap vân de Keieschiéters en haet vör zién 33-jaorig lidmaatschap de BCL Leeje-orde ontvânge. Wiel verzörrigd ôk al jaorlang de prissentasie vân de resepsies sáme mit zién vrouw Truus.

John is al 30 jaor ’n gewaardeerd lid vân ôs vereniging, waor haen al 30 jaor lang onâfgebraoke vân de kemmissie Kránt, later beneumd Stichting Culturele Activiteiten Ârce. John is zellef ruum 23 jaor veurzitter gewès vân dees kemmissie, waor John in 2018 zellefs de titel Lid vân Verdinste vör haet ôntvange. ’t Jubileumjaor 5x11 haet John ôk mei tot ’n sukses gebrooch.

Weej zién âs vereniging kei gröts ôp alle gedekoreerde, mit name Wiel en John.

Wiel en John, beide in ’t verleeje door de Keieschiéters ônderschei-je mit de Bonte Hoephap, zién nou door de Keuning beneumd tot Lid in de Orde vân Oranje-Nassau.

Gaer wille we Wiel en John vân hart fillesitére mit dees ônderschei-jing âs waardering vör hun jaorelangen inzet vör ’t vreejwilligerslaeve in Ârcen.

Ârce Alaaf