Karnevalsvereniging "De Keieschiéters" Ârce | Ni-j ôp de sait
Placeholder for Logo iconLogo icon
Placeholder for LogoLogo

Nieuws

Placeholder for Header DonateursaksieHeader Donateursaksie
Algemeen

Ni-j ôp de sait

25 oktober 2022

Baeste bezeukers,

Weej vinde ’t fijn te melde dât we wer ’n paar moeëje aanvullinge hebbe kunne realizere vör ôs websait.

De belangriékste toevoging zien wâl de fotoalbums. Alle beschikbare foto’s zien gepubliseerd ôp ’n ovverzichtelikke fotopagina. Mit dánk ân alle fotografe vân de vereniging, mâr ok ân alle karnevalsvierders die ôs eur foto’s hebbe toegesteurd.

Vör ’n paar ivveneménte zoë-âs de toch binneste boéte en de mini tentoeënstelling hebbe we helaas weinig materiaal beschikbaar. Juus foto’s gaeve ’n moeëje impressie en tiédsbeeld woej ’n ivvenemént is geviërd. Haes-se nag foto’s ôp d’n tillefoon staon, die-se wees deile, steur ze dân naor pr@keieschieters.nl

Verder hebbe we ônderstaonde pagina’s ôp de sait d'r beej gezatte:

  • Aoverzichspagina vân d’n Bônten Hoephap
  • Informasiepagina + aanmeldformulier vör Klub 11x11
  • Inháldspagina ovver de Keieschiéters en eure naam
  • Aoverzichspagina mit Ôs Jeugdhoeëghede
  • Inháldspagina ovver de brônze Keieschiéter

Weej haope dit seizoen nag völ moeëje en informatieve pagina’s ôp ôs sait te zette en heejmei alle karnevalsvierders te informere en te entoesjasmere vör de vastenaovend in Ârce.

Vinds diech ’t ok belangriék dât ivveneménte ôp beeld waere vásgelág, of vind-se ’t leuk en/of lieërzaam um same mit ôs de websait wieër oét te bouwe en wil-se ’n stieëntje daor ân beejdrage, steur dân ’n bereech naor pr@keieschieters.nl Alle haölep is welkôm!

De PR kemissie,

Karnevalsvereniging "de Keieschiéters" Ârce