Prins Jan IV en Dansmarietje Jitske

Op zaterdag 10 januari 2015 werd bekend dat Jan van Boven (Prins Jan IV) de nieuwe Hoogheid van de Keieschiéters van het seizoen 2014-2015 geworden was.
Hij werd bijgestaan door zijn dansmarietje Jitske (Cup).



 

PROKLAMASIE

Weej, Prins Jan de Verde,
Beej de grasie vân de Raod vân Ellef.
Prins vân  Ârce, zônder die vân Lômm en Vélde.
Groëtvors in de Orde vân d'n Ârcese Kei.
Kommandeur in de Orde vân d'n Hoephap.
Beschaeremhiër vân 't zwakke geslách vân de Kwás oét Venlo-Zuid.
Keurvors in ’t bouwe vân os eige groëte en kleine Prinsewages.
Zoën vân Paul, Prins van de Keieschiéters in 1961 en Toos van Smid Wim, vân de Wuilus oét ‘ ‘t Veldese lánd.
Groëtmeister in de Orde vân 't  gaeve vân unne keihârde sörvis beej ôs Tennisclub Ârce en teves groëtmeister in ’t organisere vân de klubkampioenschappe vör die klub.
Goeverneur in ‘t bezörrige vân allerlei verse én bevraore aetesware.
Ridder in de Orde vân ’t vreejwillegers klustiém beej Jông Ârce.
Maarschalk vân vrindegroep  “Gen Fatsoen”.
Kommandeur in de Orde vân de meis smale straot vân Ârce, d’n Appelgaard-oës.
Groëtvors in de Orde vân de kemissie Klein Vastenaoves Bal vân Karnevalsvereniging “De Keieschiéters” .
Beschaeremhiër en grötse pap vân zoën Senna.

Alzoë weej in ovverwaeging genaome hebbende, dât 't dinstig is um verordeninge te treffe in 't belang vân ôs ônderdane, gelet ôp artikel ellef van 't vastenaovesriggelemént, verordene weej en doon te wiëte,

Ten örste: Dât ôs daörepskaeren prachtig verleech wört door ni-je leuchtepaöl. Bin alliën beni-jd waen dât koper allemaol giët poetse….

Ten twedde: Dât De Keieschieters ’n moderne klub is bliek wâl oét ’t feit dât ze mich via ’n Wots-Ep gevrog hebbe um Príns te waere. Bin beni-jd beej wellike klub ze dât ok zoë doon??

Ten derde: Dât ’t d’n örste kiër krénse is ôp d’n Appelgaard. ’t Meug dudelik zien, dât zoëwâl d’n oës- âs de wes-kánt vân dât strötje oétgenuuëdigd is um te kômme fiëste.

Ten verde: Dât ik nów baovenôp de prínsewage meug staon, ni âs bouwer mâr âs Príns. Kân ik de wage einelik us ân unnen echte kwaliteitstès ônderwaerepe.

Ten viefde: Dât ’t ni-je ivvenemént ”Zing mei vân Ârce en de Kei” ôp de zôndiggemiddig mit vastenaovend ’n daverend suksés waor. De ruumte waor te klein! Good um te konstatére dât vastenaovend beej de Keieschiéters door jônk en áld geviërd wört.

Ten zesde: Dât d'r eindelik unne Príns kump oét de geledere vân de Raod vân Ellef. ’t Haet lang gedeurd, mâr dân kries-se ok wât…

Ten zivvende: Dât ’t fietsvaerke ’n suksés is, is ’n gôje zaak, mâr dât ze dieg has vân de zök fietse âs-se ovver ôs wandelpromenade löps, is toch ’n stuk minder.

Ten achtste: Dât 't 54 jaor geleeje is dât miene pap Príns vân de Keieschiéters waor. Unnen hiële langen tiéd zoot d'r tusse. Desôndánks zulle de jaore 1961 en 2015 mit hoofletters waere geschreve beej de femílie vân Baove.

Ten niggende: Dât tennisse, nevve karneval viére mien twedde passie is. Âs ik die twië mâr neet gui verwarre: tennisse mit keie liek mich neet zon suksés.

Ten tiende: Dât ’t misschien de letste vastenaovend heej in de “Klosterhoaf” wört, laote we haope dât veur- en teagestanders vân ’t ni-je gebouw strakkes same door iën deur nao binne gaon.

Ten ellefde: Al hink de tông mich ôppe schoon; ik zal d'r alles ân doon um de Karneval 2015 te doon slage. Same mit de ôndersteuning vân Dansmarietje Jitske, die ok oét ’t juuste hólt gesneeje is, môt ’t lukke um d'r vör alle Keieschiéters en Keieschiéterinnekes unne geweldige Vastenaovend vân te make.

Aldus gegaeve te Ârce,  Vastenaovend 2015,  Prins Jan de Verde.

Terraq Bouwgrondstoffen
Hofmans CNC Verspaning

Òntworpe & Aangedreeve door Web-id
Copyright © 2018 De Keieschiéters Ârce
Vragen of opmerkingen over de inhoud kunt u sturen naar webmaster@keieschieters.nl