Zing mei vân d'n Ârcese Kei

Zôndig 2 mârt: Zing mei vân d’n Ârcese Kei

De Karnevalsvereniging prissenteert in samewaeriking mit de OPA’s ’n gáns ni-j ivvenemént spesjaal vör de “aldere” ônder ôs.

Heb geej dât ok?

Alzelaeve vastenaovend gevierd. Völ lol en plezier gehad en genaote vân de zittinge en schlagers vân ôs eige Ârcese artieste!

Mâr….en nów kump 't: “Ik zuj nag wâl wille, mâr daen toémel vân teggewaorig…..dao veul ik mich neet miër beej thoés”.

Zôndig 2 mârt vân 15.11 oor wis 17.30 oor in ‘t Gemínschapshoés

Weej ôntvange oow in ’n gezellig “zingkefee”. Same gaon we 't dao ’n paar urkes gezellig make. Zônder völ toémel en spektakel, mâr we zinge ’n liedje en vertelle ’n möpke beej gezellige meziek vân unnen trekbuúl en nag wât ándere instruménte. De jônges van Arch Luit zullen ôs haelepe um de alde Ârcese liedjes wer us te laote klínke.

Kôm ôp tiéd, want we beginne ôp tiéd.