Zing mei.. vân Ârce en de kei! 2015

Zondig 15 fibberwarie.

Dit ivvenemént ôp Karnevalszôndig woord ’t vörrig jaor d’n örste kiër georganizeerd door de OPA’s in samewaeriking mit Karnevalsvereniging "de Keieschiéters" .

’t Idee en de oétveuring waor vân de Áld Prínse klub: de OPA’s. Ze hebbe ’t spesjaal ôp touw gezatte um de wât aldere, 50+ keieschiéters ’n paar urkes gezelligheid te bieje zônder völ spektakel en toémel. ’t Waor ’n geweldig suksés en weej zien bliej dât ze ’t dit jaor wer gaon organizere.

D'r kwaome miër Keieschiéters ôp áf dân verwách en daordoor moos d'r nogal wât geschraveld waere mit steul. Daor hebbe we vân geliërd en dit jaor wört d'r ân gewaerik dât iederiën ’n gôj plâts krieg. Ze hebbe wer ’n programma in-iën gezatte mit vanalles oét de alde doës: liedjes, sketsjes, fillems en foto’s. De meziek vör dizze middig wört verzörrigd door unne groep muzikánte die spesjaal vör oow zien gesillekteerd. Alles speult ziech áf in ’t Gemínschapshoés en we beginne um 11 minute ovver 3 ’s middigs, dus kôm neet ’s náchs! Âs ge verkleid ziet is ’t nag leuker!

D’n entree kaós niks, kôm ôppen tiéd en zörrig dât ge genôg múnte beej oow hebt zoë-dât alles vlotjes kân verloëpe.

 

De OPA’s wínse oow völ plezeer! 
 

Foto's vân editie 2014 staon heej.

 

 


De Hertog Jan Brouwerij
Meertens Vastgoed

Òntworpe & Aangedreeve door Web-id
Copyright © 2018 De Keieschiéters Ârce
Vragen of opmerkingen over de inhoud kunt u sturen naar webmaster@keieschieters.nl